ഷാജി എന്‍. കരുണിന് ശ്രീലങ്കന്‍ സിനിമയുടെ ആദരം
Thursday, November 28, 2024 2:27 AM IST
തിരുവനന്തപുരം: പ്രശസ്ത സംവിധായകനും സംസ്ഥാന ചലച്ചിത്ര വികസന കോര്‍പറേഷന്‍ ചെയര്‍മാനുമായ ഷാജി എന്‍. കരുണിനു ശ്രീലങ്കന്‍ സിനിമയുടെ ആദരം.
ശ്രീലങ്കയില്‍ നടന്ന പത്താമത് ഇന്‍റര്‍നാഷണല്‍ യൂത്ത് ഫിലിം ഫെസ്റ്റിവലിലാണ് അദ്ദേഹത്തിന് ലൈഫ് ടൈം അച്ചീവ്‌മെന്‍റ് പുരസ്‌കാരം നല്‍കി ആദരിച്ചത്. ഫെസ്റ്റിവലിന്‍റെ അന്താരാഷ്‌ട്ര മത്സരവിഭാഗത്തിലെ ജൂറി ചെയര്‍പേഴ്‌സന്‍ കൂടിയായിരുന്നു ഷാജി എന്‍. കരുണ്‍.
ശ്രീലങ്കയിലെ നാഷണല്‍ യൂത്ത് സര്‍വീസസ് കൗണ്‍സിലാണ് പുരസ്‌കാരം സമ്മാനിച്ചത്.