തൃ​ശൂ​ർ: വ​ട​ക്കാ​ഞ്ചേ​രി ‍വി​രു​പ്പാ​ക്ക​യി​ൽ 48കാ​ര​നെ തെ​ങ്ങി​ൻ​തോ​പ്പി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ വ​ഴി​ത്തി​രി​വ്. വി​രു​പ്പാ​ക്ക സ്വ​ദേ​ശി ഷെ​രീ​ഫ് പ​ന്നി​ക്കെ​ണി​യി​ൽ നി​ന്നു ഷോ​ക്കേ​റ്റ് മ​രി​ച്ച​ത​ല്ലെ​ന്നും ജീ​വ​നൊ​ടു​ക്കി​യ​താ​ണെ​ന്നു​മു​ള്ള നി​ഗ​മ​ന​ത്തി​ലാ​ണ് പോ​ലീ​സ്.

ഇ​ന്നു രാ​വി​ലെ​യാ​ണ് പ്ര​വാ​സി മ​ല​യാ​ളി കൂ​ടി​യാ​യ ഷെ​രീ​ഫി​നെ വി​രു​പ്പാ​ക്ക​ത്ത് തെ​ങ്ങി​ന്‍​തോ​ട്ട​ത്തി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. സ​മീ​പം വൈ​ദ്യു​തി വേ​ലി​യു​മു​ണ്ട്. സ​മീ​പ​ത്ത് കു​റേ വ​യ​ര്‍ ക​ഷ​ണ​ങ്ങ​ളും കി​ട​ന്നി​രു​ന്നു. പ​ന്നി​ക്കെ​ണി​യി​ല്‍ നി​ന്നും ഷോ​ക്കേ​റ്റ​താ​കാ​മെ​ന്നാ​യി​രു​ന്നു നാ​ട്ടു​കാ​ര്‍ സം​ശ​യി​ച്ച​ത്. എ​ന്നാ​ൽ വ​ട​ക്കാ​ഞ്ചേ​രി പോ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണ് ആ​ത്മ​ഹ​ത്യ​യാ​കാ​മെ​ന്ന നി​ഗ​മ​ന​ത്തി​ലേ​ക്കെ​ത്തി​യ​ത്.

പോ​ലീ​സ് ന​ട​ത്തി​യ പ​രി​ശോ​ധ​ന​യി​ൽ കൈ​വി​ര​ലി​ൽ ഇ​ല​ക്ട്രി​ക് വ​യ​ർ ചു​റ്റി​യ​താ​യി ക​ണ്ടെ​ത്തി. തൊ​ട്ടു മു​ക​ളി​ലു​ള്ള വൈ​ദ്യു​തി ലൈ​നി​ലേ​ക്ക് വ​യ​റി​ന്‍റെ അ​റ്റം ഓ​ല​മ​ട​ലി​ൽ ചു​റ്റി ഘ​ടി​പ്പി​ച്ചി​ട്ടു​മു​ണ്ടാ​യി​രു​ന്നു. ഇ​ല​ക്ട്രി​ക് വ​യ​ർ ഷെ​രീ​ഫ് വീ​ട്ടി​ൽ നി​ന്നു കൊ​ണ്ടു​വ​ന്ന​താ​ണെ​ന്നും പോ​ലീ​സ് പ​റ​ഞ്ഞു.