ബജ്റംഗ് പുനിയയ്ക്ക് സസ്‌പെന്‍ഷന്‍
Sunday, June 23, 2024 1:57 PM IST
ന്യൂഡൽഹി: ഗുസ്തി താരം ബജ്റംഗ് പുനിയയ്ക്ക് സസ്‌പെന്‍ഷന്‍. ദേശീയ ഉത്തേജക വിരുദ്ധ ഏജന്‍സി(നാഡ)യാണ് സസ്‌പെന്‍ഡ് ചെയ്തത്.
ഉത്തേജക മരുന്ന് പരിശോധനയ്ക്ക് സാംപിള്‍ നല്‍കാന്‍ താരം വിസമ്മതിച്ചതാണ് സസ്‌പെന്‍ഷനു കാരണമെന്നു നാഡ പറയുന്നു. ഉത്തേജക മരുന്നു നിയമങ്ങള്‍ താരം ലംഘിച്ചെന്നു ചൂണ്ടിക്കാട്ടിയാണ് വീണ്ടും സസ്‌പെന്‍ഷന്‍. നാഡ പുനിയയ്ക്ക് നോട്ടീസയച്ചു. ജൂലൈ 11നകം നോട്ടീസില്‍ മറുപടി നല്‍കണമെന്ന് നിര്‍ദേശം.
സസ്‌പെന്‍ഷന്‍ ചെയ്തുള്ള അറിയിപ്പ് താരത്തിനു ലഭിച്ചതായി ബജ്‌റംഗിന്‍റെ അഭിഭാഷകന്‍ വ്യക്തമാക്കി.